جامعہ الحسن چارسدہ کا آغاز 2010 میں پاکستان کے تاریخی شہر چارسدہ سے ایک عظیم مسجد سے ہوا، جہاں پاکستان کے مشہور اور نہایت فصیح عالمِ دین، شیخ الحدیث حضرت مولانا حسن جان شہید رحمہ اللہ اور ان کے والد محترم نے درس و تدریس کا سلسلہ جاری رکھا تھا۔

یہ وہ مسجد تھی جہاں ہزاروں شوگر مل اور پیپر مل کے ملازمین ایک ساتھ اپنے رب کے حضور سجدہ ریز ہوتے تھے، اور ہر نماز میں نمازیوں کی کثرت سے ایسا تاثر ہوتا تھا جیسے یہاں کوئی اجتماع ہو رہا ہو یا عید کا دن ہو۔

عبادت گزاروں کے اس ہجوم اور اذان کے الفاظ “حی علی الصلوٰۃ” اور “حی علی الفلاح” کی گونج کو یہ معلوم نہ تھا کہ شوگر مل اور پیپر مل کے بند ہونے اور حضرت شیخ الحدیث رحمہ اللہ کے “جامعہ امداد العلوم” چلے جانے کے بعد یہ تاریخی مسجد بھی ویرانی کا شکار ہو جائے گی۔

یہ تاریخی مسجد، جو کئی برسوں سے بتدریج ویران ہو رہی تھی، ایک بار پھر اللہ کے فضل و کرم سے آباد ہوئی اور اللہ نے اسے اپنے دین کی اشاعت کے لیے منتخب کر لیا۔ چنانچہ 2010 میں جامعہ عثمانیہ کے استادِ حدیث حضرت مفتی حمید اللہ جان صاحب نے ایسے حالات میں اس جامعہ کی بنیاد رکھی کہ اس وقت 2010 کے تباہ کن بارشوں اور سیلاب نے نہ صرف یہاں کی آبادی اور عمارتوں کو نقصان پہنچایا تھا بلکہ ان متاثرہ علاقوں کے تعلیمی اور اخلاقی معیار کو بھی گرا دیا تھا۔

اس وقت شدید غربت کی حالت میں تعلیم و تربیت کے ارادے سے ادارہ قائم کرنے کا قدم اٹھانا بہت مشکل تھا، لیکن حضرت مفتی صاحب کی خلوص نیت اور کچھ الہامی اشاروں نے ان کے حوصلے بلند کیے اور انہوں نے اس ادارے کو قائم کیا۔

پہلے ہی سال اللہ تعالیٰ نے اس ادارے کو ایسی کامیابی سے نوازا کہ یہ علاقے کے لوگوں کے لیے دینی تعلیم و تربیت کا مرکز بن گیا۔